Në prill të vitit 2010, Qeveria e Kosovës nënshkroi një kontratë me sipërmarrjen e përbashkët Bechtel-Enka Partnership për ndërtimin e projektit të Autostradës së Kosovës. Rruga 7 shtrihet nga Morina (kufiri me Shqipërinë) deri në kryeqytetin e Kosovës, Prishtina. Autostrada 2×2 me korsi ka një gjatësi totale prej 78 kilometrash me shpejtësi të projektuar prej 120 km/orë. Ky projekt është projekti më i madh infrastrukturor i ndërmarrë ndonjëherë nga Qeveria e Kosovës. Projekti përfshinte ndërtimin e 15 urave; ndërtimin e 58 mbikalimeve dhe nënkalimeve; 36 milionë m³ gërmime; dhe 14 milionë m³ mbushje.
NPT “XËRXA” ishte nënkontraktor i Partneritetit Bechtel-Enka që nga fillimi i projektit - ishte përgjegjëse për instalimin, zëvendësimin dhe riparimin e rrjetit të furnizimit me ujë dhe ujitjes, si dhe përgjegjëse për sistemet e kullimit dhe kanalizimeve. Përpara punimeve të ndërtimit, projekti u sfidua kryesisht me zhvendosjen e shërbimeve - zhvendosjen e energjisë elektrike, sistemeve të ujit, sistemeve të kullimit, sistemeve të kanalizimeve .Për më tepër, kompania jonë ishte përgjegjëse për të ndërhyrë për dëmtimet e shkaktuara gjatë punimeve të ndërtimit nga sipërmarrja e përbashkët B&E.
Me pak fjalë, NPT “XËRXA” ishte përgjegjëse për aktivitetet e mëposhtme gjatë gjithë periudhës së projektit:
A. Sisteme të reja të rrjetit të furnizimit me ujë
- Tuba HDPE me diametër DN20 – DN800
- Tuba çeliku
B. Sisteme të reja të rrjetit të ujitjes
C. Riparimi i sistemeve ekzistuese të furnizimit me ujë dhe të rrjetit të ujitjes
D. Sisteme kullimi dhe kanalizimesh me diapazon diametri DN50 – DN710
- Ndërtimi i sistemeve të reja
- Riparimi i sistemeve ekzistuese dhe të dëmtuara
E. Rezervuarë betoni
F. Puse betoni
